‘Madai ya Ugaidi’: Taasisi ya Kiislamu yatishia Kuandamana

Mwenyekiti wa jumuiya , Sheikh Musa Kundecha(kulia).

Madai ya Madrasa kufungiwa kwa kuhusishwa na kutoa mafunzo ya ugaidi,Taasisi ya   Kiislamu nchini imetoa  siku 15 kwa Serikali ya Tanzania  kuzifungua madrasa zilizofungiwa kabla ya kufanya maandamano nchi nzima kuelekea Wizara ya Mambo ya Ndani ya Nchi.

Kwa mujibu wa Mwenyekiti  wa jumuiya  hiyo, Sheikh Musa Kundecha, amesema jeshi hilo limekuwa likiwakamata masheikh  na maimamu   na kuwapeleka katika vituo vya polisi, na kuwahoji huku wakihusishwa  kutoa mafunzo na mazoezi ya kigaidi.

Hatua hiyo inafuatia madrasa  zaidi ya 10 kufungwa  katika mikoa ya Kilimajaro, Dodoma na Mtwara Kwa tuhuma za kukusanya watoto na kuwafundisha elimu ya dini katika mazingira yasiyofaa.

Masharti mengine waliyoyatoa ni  kuachiliwa huru au kwa dhamana masheikh na maimamu waliokamatwa wakituhumiwa kutoa mafunzo na mazoezi ya kigaidi.

Akizungumzia kufungiwa madrasa hizo Msemaji wa Wizara ya Mambo ya Ndani ya Nchi, Isaac Nantanga  amesema kuendelea kushikiliwa kwa baadhi ya watu waliokamatwa na kunyimwa dhamana kunatokana na jeshi  la Polisi  kutojiridhisha au kutokamilika kwa taratibu za dhamana.

Chanzo: Hivi Sasa