Rais Nkurunziza awang’oa madarakani Mawaziri watatu leo

Rais wa Burundi Pierre Nkurunzinza.

Rais wa Burundi Pierre Nkurunzinza amewafuta kazi Mawaziri watatu kufuatia kushindwa kwa  jaribio la baadhi la wanajeshi kutaka kupindua nchi ya Burundi wiki iliyopita.

Kwa mujibu wa msemaji wa Rais Nkurunziza Gervais Abayeho   amesema Mawaziri waliotimuliwa ni  Waziri  wa Ulinzi Pontien Gaciyubenge, Waziri wa Mambo ya Nje Laurent  Kavakure pamoja na waziri  wa  Biashara  Marie  Nizigiyimana.

Aidha, Bw. Gervais amesema kwamba katiba ya nchi hiyo inampa Rais  mamlaka ya kubadilisha  watendaji ili kuongeza tija ya utendaji serikalini.

Polisi leo wamefyatua hewani risasi za moto katika kukabiliana na maandamano mapya ambayo yameanza maeneo kadhaa ya mji mkuu wa Burundi, Bunjumbura.

Makundi ya vijana yaliweka vizuizi barabarani huku wakiimba nyimbo za kumtaka Rais Pierre Nkurunziza abadili msimamo wake wa kutaka kugombea awamu nyingine ya Urais nchini humo.

Chanzo: Hivi Sasa